స్వేచ్ఛ కవితలు రెండు

తెల్లమద్ది వెన్నెల

అటు తిరిగి
ఇటు తిరిగి
నీ వైపు, నా వైపు ఒరిగి
చేతికందకుండా ఎగిరే
రెక్కలక్కర్లేని
ఓ చందామామా..నను కాదని
కొంతదూరమైనా
పోగలవేమో చూడు..నల్లమలలో తెల్లమద్దినై
ఒంటినిండా
నీ వెన్నెలని పూసుకున్నా..ఇక నీ రాత్రులు, పగళ్లు.
అన్నీ నేనే..

2.

కదిలించొద్దు

ఎండిపోయిన ఆకులను
కదిలించొద్దు.తమను తాము
కోల్పోలేకపోయిన
భగ్న హృదయాలు అవి.
జీవి విడిచిపోయినా
ప్రాణం మిగిలే ఉన్న దేహాలవి..ఎన్నో ప్రేమలను చిగురించిన
గాలుల గానాలవి..

కాలాలన్నింటినీ జీవించిన
కదపకూడని జ్ఞాపకాలవి..

మళ్లీ ఏ వానో కురిసినప్పుడు
చినుకులని పట్టుకొని
ఒక్కసారి భోరున ఏడ్చేసి
కొత్త జీవితాన్ని మొదలుపెడతాయేమో..

అందుకే..
మనం
ఎండిపోయిన ఆకులను
కదిలించొద్దు.

*

స్వేచ్ఛ

6 comments

Leave a Reply to Swetcha votarkar Cancel reply

Enable Google Transliteration.(To type in English, press Ctrl+g)

‘సారంగ’ కోసం మీ రచన పంపే ముందు ఫార్మాటింగ్ ఎలా ఉండాలో ఈ పేజీ లో చూడండి: Saaranga Formatting Guidelines.

పాఠకుల అభిప్రాయాలు