పసునూరి రవీందర్ఈ లోలోపలి ఉక్కపోత నుండి
ఈ ఊపిరి సలుపనితనం నుండి
ఎక్కడికో పారిపోవాలని
మనసు పదే పదే
ఒక పగటి కలను కంటు
తనను తానే బుజ్జగించుకుంటుంది!
ఈ మహానగరంలో
దిగ్గొట్టుకున్న కాళ్లు
నిన్ను ఎక్కడికీ కదలనివ్వవు!
కుటుంబసభ్యులే
తలా ఒక బంధంతో
నిన్ను కట్టిపడేస్తారు!
నేటిని రేపటికి వాయిదా వేస్తూ
నీకు నువ్వే మాయమాటలు చెప్పుకొని
ఈ రోజును గడిపేస్తుంటావు
మోసం చేసేది నువ్వే !
మోసపోతున్నది నువ్వే !!
నిత్యం ట్రాఫిక్ నదిలో చిక్కుకున్నప్పుడల్లా
నీ పుట్టినూరిని తలచుకుంటావు
పచ్చిక బయళ్లను ఊహల్లోనే కౌగిళించుకొని
పంటచేల మీద
తగని మమకారాన్ని పెంచుకుంటూ
నిమ్మలపడుతుంటావు
నగరంలో నాలుగు అడుగులు దాటడానికే
నువ్వొక యుద్ధసైనికుడివై పోతావు
బాల్యం గుర్తుకొచ్చి
గాలిపటమై ఎగరాలని
ఈ కాస్మోపాలిటన్ నగరం మీద
తీరని కలను కంటుటావు
నీ రెక్కల్ని విరిచిన నగర జీవితం
నీకు ఇన్ స్టాంట్ గుణపాఠం
జూమ్ మీట్ పెట్టకుండానే నేర్పుతుంది!
ఈ నగరంలో నువ్వు ఏమయ్యావు?
కేవలం ఒడవని ఈఎంఐవి అయ్యావు
చిధ్రమైపోతున్నది కాలం కాదని
నువ్వే నీ నుండి దూరమవుతున్నావని
కనుగొని, రోజూ కలవర పడుతుంటావు
వల విసిరినోడు భద్రం… !
అమాయకంగా
నూకలకు ఆశపడి
చిక్కుకుని నువ్వు మాత్రమే చిధ్రం!!
నగరీకుడా ఎందుకీ వలపోత
ఈ నరకం నువ్వు కొనుక్కున్నదే కదా!
*
పెద్దన్న మారబత్తుల
కొండేపూడి నిర్మల
శివలక్ష్మి
Chandana Alluru
విశీ
సంజయ్ ఖాన్
ముక్కామల చక్రధర్
పసునూరి కలం కొత్త పోకడ. బావుంది
సార్ థాంక్యూ 🙏🙏🙏
చాలా బాగుంది
థాంక్యూ సార్
ఆధునిక కవిత్వానికి ఇప్పుడు ఈ తరహా చైతన్యం అవసరం .
ఈ కవిత్వం సమకాలీన జీవితాన్ని అద్భుతంగా చిత్రించింది.
గత కొన్ని దశాబ్దాలుగా తెలుగు కవిత్వం కుల, మత, ప్రాంతీయ అస్తిత్వాల చుట్టూ విస్తృతమైన చర్చను లేవనెత్తింది. అయితే, సమకాలీన సమాజంలో ఆర్థిక నమూనాలు, వినియోగదారుల సంస్కృతి తెచ్చిపెట్టిన కొత్త సంకెళ్లు మనిషి అస్తిత్వాన్నే కబళించే స్థాయికి చేరాయి. సరిగ్గా ఈ అనివార్య చారిత్రక సందర్భంలో—సాంప్రదాయ సరిహద్దులను దాటి, ఆధునిక నగర జీవి ఎదుర్కొంటున్న మానసిక, ఆర్థిక స్తబ్దతను ఒక కఠిన దర్పణంలా ఆవిష్కరించింది ఈ కవిత.
ఆధునిక కవిత్వానికి నేడు అత్యవసరమైన తాత్విక చైతన్యాన్ని, ఆర్థిక విమర్శను ఈ కవిత సమర్థవంతంగా ప్రతిబింబించింది. పాత ఛట్రాల నుంచి బయటపడి సరికొత్త సమాజపు గాయాల్ని, సైబర్ యుగపు బానిసత్వాన్ని రికార్డు చేయడంలో ఈ కవిత పూర్తిగా విజయవంతమైంది.
*నువ్వు ఏమయ్యావు? కేవలం ఒడవని ఈఎంఐవి అయ్యావు”* అన్న వాక్యం వ్యక్తి తన గుర్తింపును, స్వేచ్ఛను కోల్పోయి నెలవారీ చెల్లింపుల (EMIల) యంత్రంగా మారిపోయిన ఆధునిక వికృతికిది తిరుగులేని ప్రతిబింబం.
👌🏻💐
Thank you so much Dear Veeranna. చాలా వివరంగా నా కవిత లోతులను వివరించారు. ఈ కవితను ఎలా అర్థం చేసుకోవాలి ఒక దిశా నిర్దేశం చేశారు. ధన్యవాదాలు.
Good Evening Brother, don’t feel like that. Wherever you are, you are there for a reason, so enjoy all the circumstances. It’s an opportunity to fulfill our responsibilities. permanently registered in mind that we are not common people.
Your Brother, Pasunuri Prasad (9493442829).
Thank you for the hearty response.
Heart touching poem
Thank you Anna