గీతా వెల్లంకిమళ్ళీ నేను నాలోకి వెళ్ళిపోతున్నాను
నీతో ఉన్నంతకాలం నీలోకి పరకాయ ప్రవేశం చేసి
నువ్వెలా ఆలోచిస్తావో అలాగే ఆలోచించి –
నీకేం కావాలో ఎలా మాట్లాడతావో అన్నీ ఊహించి – నీకోసమే అంతా అయి
నేనంతా నీవే అయి – ఉన్నానని అనుకున్నాను!
కానీ
ఇపుడీ క్షణాన అంతా అర్థ రహితం అయి
నాలోకి నేను తిరిగి చూసుకున్నాను –
నాలోపలి ఖాళీని పూరించడానికి
నేను తప్ప ఇంకెవరూ వద్దని
నాలోకి నేను తిరిగి పోతున్నాను!
ఒక పక్కగా నీ జ్ఙాపకాలను సర్ది
మరోపక్క ఇకపై చేయాల్సినవన్నీ రాసుకుని
నీ అడుగు జాడలను చెరిపి
కొత్తగా ఏ ముద్రా పడకుండా
సున్నితంగా గుండె గదులను దులిపాను!
నాలోకి నేను చేరాక చేయాల్సిందొకటే మిగిలింది
……సవ్వడి లేకుండా ఉండడం!
గుండె సవ్వడి కూడా భరించలేనేమో!
వీడ్కోలు చెప్పేస్తాను హృదయానికి..
ఎంతకాలం పనిచేస్తుంది మరి ఒంటరిగా!
*
పెద్దన్న
అవినేని భాస్కర్
సుంకర గోపాలయ్య
విన్నకోట రవిశంకర్
రాజారామ్ తూముచర్ల
శ్రీనివాస్ గౌడ్
పున్నా కృష్ణమూర్తి
అంతశ్చేతనను అద్భుతంగా ఆవిష్కరించారు. చాలా బాగుంది. అభినందనలు