చందమామ పదాలు 

1.

మనసులో మాటొకటి

పెదవిపై మాటొకటి

మనిషి మనిషిని కలిసి

కనుగీటు మాటొకటి

కథల కళలకు రాజులో చందమామ!

2.

ఆత్మజ్ఞానంబనుచు

ఆర్తితో పాడేరు

మనిషి ఉనికిని మరచి

మాయనుచు తిరిగేరు

ఏమి భక్తులు వీరు ఓ చందమామ!

3.

మాట దాటును కోట

ఎదురు చెపితే తూట

కథల కలలకి పీట

ఎన్నికలకో బాట

నాయకమ్మన్యులిట  ఓ చందమామ!

4.

ముంచునట ఓ మాట

తేల్చునట ఒకటి

నడిసంద్రమున

తెప్ప తగలేయునొకటి

మానవుల మాటలివి ఓ చందమామ!

5.

భూకరించే నొకడు

బుజ్జగించే నొకడు

అణకువగ నటియించి

అదిలించు నొకడు

మానవుల తీరులివి ఓ చందమామ!

*

Vijay Koganti

3 comments

Enable Google Transliteration.(To type in English, press Ctrl+g)

  • అద్భుతమైన కవితా సరళి అండ్ శైలి… బావుంది ❤️

  • చందమామతో మీ సంభాషణలో మనసు కూడా మౌనంగా కలిసిపోయింది

  • శుభోదయం సార్!
    చందమామకు చెప్తూనట్లే చెప్తూ సమాజంలో జరిగే మనుషుల మాటల తీరు, స్వభావం, మాటకి ఉన్న విలువను వర్ణించిన తీరు అద్భుతం!
    చిన్న మాటలే కానీ ప్రతిఒక్కరనీ లోతుగా ఆలోచింపచేస్తుంది…
    మీకు ప్రత్యేక ధన్యవాదములు సార్ 💐🙏

‘సారంగ’ కోసం మీ రచన పంపే ముందు ఫార్మాటింగ్ ఎలా ఉండాలో ఈ పేజీ లో చూడండి: Saaranga Formatting Guidelines.