నేనెక్కాల్సిన సింహాసనం

నేనెక్కాల్సిన సింహాసనం

1

అనేకానేక
కపటాల మధ్య నిలబడ్డాను
ముందు కపటమే, వెనకా కపటమే
కుడి ఎడమల కూడా  కపటమే
దిక్కుల రహదారుల గుండా
కపటమే పరుగులు తీస్తుంది

2

చూస్తూ చూస్తూ ఉండగానే
ఒక పిడికిలి సడలి పోతోంది
పదిమందిలో కలిసి పాడే..
ఒక రాగం వొలికి పోతుంది
ఒక నినాదం చెదిరిపోతుంది
చూస్తూ చూస్తూ
మౌనంలో కలిసిపోతున్నా .

3

అప్పటికి మౌనాన్ని బుజ్జగిస్తూనే ఉన్నా,
‘అంత త్వరగా నా దగ్గరికి’ రాకని కొంతసేపు తరువాత
మౌనం, చీకటి, అభద్రతా భావం ఉమ్మడిగా నాపై సర్జికల్  స్ట్రైక్ చేశాయి
నన్ను చుట్టుముట్టేశాయి
ఐ కాంట్ బ్రీత్ ….

4

ఎగిరి నడిచే రోజులు పోయి
సాగిలపడే రోజులను చూస్తూ
నాలో మౌనం, మౌనంలో నేను
అప్పటికీ కొంతసేపు మొండికేశాను
కానీ
మౌనం చెదిరిపోయేలా లేదు
నేను మౌన, కపట వలయంలో
తచ్చాడుతూ ఉన్నప్పుడు…

5

దూరానా
“మహారాజుల ఉద్యమ
నినాదాలు వినిపిస్తున్నాయి ..
‘స్వధర్మము’ నా చెంపపై ముద్దిచ్చింది

6

జాంబవంతుడి
చిటికెన వేలుపట్టుకొని
జంబూద్వీప గణ రాజ్యంలోకి
పోతూనే ఉన్నా.
అక్కడ నేనెక్కాల్సిన సింహాసనమును
అంబేడ్కర్ నాకై సిద్ధం చేసి ఉన్నాడు.

అప్పుడు
మౌనాన్ని,కపటాన్నిఎగిరి తన్నేశాను.

*

గుడిపల్లి నిరంజన్

1 comment

Leave a Reply to Giri Prasad Chelamallu Cancel reply

Enable Google Transliteration.(To type in English, press Ctrl+g)
‘సారంగ’ కోసం మీ రచన పంపే ముందు ఫార్మాటింగ్ ఎలా ఉండాలో ఈ పేజీ లో చూడండి: Saaranga Formatting Guidelines.

పాఠకుల అభిప్రాయాలు