సృజనాత్మక దృశ్యం

ఒక అపరిపక్వ దృశ్యాన్ని
కార్బైడ్ పానుపుపై కీలించాలి
ఇన్సాంటుగా కాలాన్ని
పచ్చిపాలల్లొ కలిపి లాగించాలిఅర్దాంతరంగా చీకటిని దులిపి
లేలేత కల్ని మడతపెట్టి
కప్ బోర్డులో ఇంక్యుబేట్ చేయాలి
పగటికాలాన్ని సెల్ ఫోన్లోవేసుకొని
హెల్మెట్ లేని బైక్ పై నగరమంతా
ఊరేగించాలిసిటి బస్లూ
ఎమ్మెమ్టీఎస్లూ.పుట్టపగిలిన
సీతాకోక సమూహాలూ….
హ్యాండ్ బ్యాగుల్లో ఒలికిన లంచ్ బాక్సులూ
నీటి ముత్యాలు జాలువారే
పొనీ టైళ్ళ తడి తలలూ….
మేకప్ ల వెనుక వర్ణ విహీన వదనాలు

కళ్లకు గడియారాన్ని ట్యూన్ చెయ్యాలి
చెవులకు బ్లూటూత్ జూకాలు
వేళ్లచివర వాట్సాఫ్ కీబోర్డు కనెక్టవ్వాలి.
ఎవడిని వాడే సెల్ఫ్ మ్యూట్ లో పెట్టుకోవాలి

ఎక్కడో అపరిచిత మూల మలుపులో
తనను తాను పారేసుకొని
జిల్లేడు పూవులాంటి బోలు దేహంతో ఎగరుతూ
ఖాళీ పాత్రల్లో పరకాయ పాత్రపోషించాలి.***