Indraganti Prasadవెన్నెల
చైత్రం విచ్చుకొన్నట్టుంది
నిప్పుపూల చైత్రం
వేపగాలి చైత్రం
పుప్పొడి పరిమళం
పరమాన్నం వండిన
ఇత్తడి గిన్నెలా
ఆకాశం
ఆరుబయట
నులకమంచం మీద
కదులుతోన్న మబ్బుల వల
****
కలల్లాగే
కవితలు కూడా
దృశ్యశ్రవణ రూపాల్లో
కళ్ల ముందు కనబడతాయి
పట్టుకునే క్షణంలో
పక్షులై ఎగిరిపోతాయి
కొంగలసాయం తీసుకొన్న
ఎండ్రకాయలా
ఎండిన పుల్ల పట్టుకొని
ఎదురుచూస్తూ
తడిలేని చెరువులో
మళ్లీ తపస్సు
*
గాలి కూడా గుల్మహారే
నిన్న నిశ్శబ్దాన్ని
కలల్లో రంగరించి
ఇవాళ కలకూజితాలతో
ఉదయాన్ని ఆవాహన చేసినట్లుంది
పొద్దున్నే గంపనెత్తుకుని
ఏరి పారేసే కరివేపాకు
శబ్దాన్ని వీధి వీధంతా విసిరే
ఆకుపచ్చ పరిమళం
గొంతు సవరించుకున్న
జాజిపూల పదస్వనం
బాల్య కౌమారాల
మెట్లమీద కూర్చుని
కొత్తగా చూసే సంధ్య వేళ
శబ్దమూ, కదలికా కూడా
సమ్మోహ మోహినీ రూపమే
గాలి కూడా గుల్మహారే.
*
పెద్దన్న
Sunil Bhandari
సాబిర్
హరివెంకట రమణ
శ్రీ సుధా మోదుగు
లిఖిత్ కుమార్ గోదా
మహేష్ వేల్పుల
నులక మంచం మీద కదలాడే మబ్బుల వల