వీడ్కోలు సవ్వడి ..మరికొన్ని హైకూలు

పుట్టింది.. ఎక్కడో తూర్పుగోదావరి లో.. మోరి. ఇప్పటివరకు రెండు పుస్తకాలొచ్చాయి. ఒకటి - హైకూలు పుస్తకం.. ఆల్బమ్. రెండు - బాగా నచ్చిన మనుషుల గురించి కవితాత్మక వర్ణన.. వర్ణం. ఇంకోటి దార్లో వుంది.. పేరు ప్రస్తుతానికి 'తీగె చాటు రాగం" లేదా "ఓ అందమైన సాయంత్రం".

అసలు వ్యాపకం కథా రచన. 89 లో శ్రీ పురాణం సుబ్రహ్మణ్య శర్మ గారి సంపాదకత్వంలో తొలి కథ ఆంధ్ర జ్యోతి వీక్లీ లో అచ్చయ్యింది. పేరు "గాడ్.. ది శాడిస్ట్". ఈ మధ్య రాసిన కథ ఆదివారం ఆంధ్రజ్యోతి లో "విభూతి". ఈ రెండిటి మధ్య కథల సంఖ్య సుమారు ఓ వంద. అప్పుడప్పుడు పాటలు. రెండు సినిమాల్లో. ఇంకా టెలివిజన్ ప్రచార చిత్రాల కోసం.

(నేను రాసిన ఓ సినిమా పాటని బాలు గారు ప్రశంసించడం మరపురాని అనుభూతి.) దర్శకుడు వంశీ గారి సినిమా అనుభవాలకు 52 వారాలపాటు స్వాతి వీక్లీ లో డిజైనింగ్ (సత్యసుందరమ్ పేరుతో). వంశీ గారి కథా సంకలనాల్లో టైటిల్స్ రాయడం.. కవిత్వం అంటే ఇష్టం. ఇవి.. అప్పుడప్పుడు అలా రాసినవి.