యవ్వనం ఎంతో జాగ్రత్తపడాల్సిన మలుపు 

ఒకానొక సాయంత్రం యథావిధిగా నేనూ , నా శ్రీమతి వంటింటి యుద్ధానికి సమాయత్తమవుతూ, తనని యూట్యూబ్ లో ఏమైనా ప్లే చేయమన్నాను. అప్పట్లో చాలా పాపులర్ అయిన కపిల్ శర్మ కామెడీ షో ప్లే చేసింది. ఆ ఎపిసోడ్ లో ఒక ఉర్దూ కవిని స్వాగతించారు. ఎప్పుడూ అతని గురించి వినలేదు. కామెడీ షోకి వచ్చాడంటే బహుశా ఎవరో హాస్యకవి అనుకున్నాను. తాను చదివిన మొదటి షేర్ విని నా అనుమానం నిజమైందనుకున్నాను. కానీ అతను చదివిన తరువాతి షేర్:

అన్నం ఉడికిందో లేదో చెప్పడానికి రెండు మెతుకులు చాలు అన్నట్టు, ఈ కవి ప్రతిభాశాలి అన్న విషయాన్ని ఈ రెండు వాక్యాలు నిరూపించాయి.

*

ఆ తరువాత కొన్ని రోజులు ఏకాగ్రతగా తన కవిత్వమే చదివాను. యూట్యూబ్ లో వెతికి వెతికి తన కవిత్వమే విన్నాను. తన గజళ్లలో ఏదో కొత్తదనం, ఏదో ఆకర్షణ, ఏదో గాఢమైన అనురక్తి నన్ను వశపరచుకున్నాయి. తన కవనాధారలో జీవితం పట్ల తన తత్త్వం,  ప్రణయం, రాజధిక్కారం ప్రధానంగా కనిపించాయి.

పైన ఉటంకించిన షేర్ కి కొనసాగింపుగా ఇంకొన్ని ప్రణయానికి సంబంధించిన షేర్లు చూద్దాం.

Face is the index of mind అన్నారు. సగటు మనిషి భావాలను అంత సులువుగా దాచుకోలేడు. ముఖంపై మారే రంగులు మనం అణచుకునే భావాలను బయటపడేస్తాయి. ప్రేమ, అసూయ, నిరాశ, ఆగ్రహం ఇత్యాది భావాలను ఇతరుల దగ్గర నేను దాయలేకపోవడం, ఇతరులు నా దగ్గర దాయలేకపోవడం రెండూ అనుభవపూర్వకమే నాకు.

ఇలా దైనందిన జీవితానుభూతిని చిత్రించడం వల్ల జనబాహుళ్యంలో తన కవిత్వానికి రిలేటబిలిటీ తద్వారా పాపులారిటీ ఎక్కువ లభించాయి అనుకుంటాను.

ఇంకో చోట ఉడుకు రక్తం ఉరకలెత్తే యుక్తవయసులో కోల్పోయే నిగ్రహాన్ని గురించి చమత్కరించారు:

ఇంకొంచెం గంభీరమైన షేర్లు ప్రస్తావించే ముందు ముషాయిరాలలో కుర్రకారుని ఉర్రూతలూగించిన ఒక షేర్:

ముషాయిరాలలో అత్యంత ప్రజాదరణ కలిగిన ఈ కవి, ఇటువంటి షేర్లను శ్రోతల్లో ఒక ఉల్లాసమైన వాతావరణం కలిగించడానికి అత్యంత ప్రభావవంతంగా చదవడం, దానికి ప్రతిక్రియగా వాహ్వాకారాలు, కేరింతలు, చప్పట్లు రావడం తరచుగా కనిపించే దృశ్యం. ఒక సమూహానికి వినిపించడానికి ఇలాంటి షేర్లు వ్రాసిన ఈ కవి, చదివి ఆస్వాదించడానికి ఇంకొంచెం మధురమైన షేర్లు కూడా వ్రాశాడు:

*

నేను చదివి, విన్నంతలో తన కవిత్వం నాకు దాదాపు సగభాగం అర్థం కాలేదు. యథార్థము కొన్ని చోట్ల, సూచితార్థము కొన్ని చోట్ల స్ఫూరించలేదు. ఈ విషయం బహుశా నేను చదివే ప్రతి కవికీ వర్తిస్తుంది. అవగాహన కలిగినంతలో ఎన్నో అద్భుతమైన షేర్లు దొరికాయి. ఎంతో లోతైన పరిశీలన, అంతే సున్నితమైన అభివ్యక్తి మేళవించి అతను చెప్పిన కొన్ని షేర్లు చూద్దాం.

కప్పి చెబితేనే కవిత్వం అన్నారు. చెప్పాల్సిన విషయాన్ని కప్పడానికి కవి వాడే తెరలే ప్రతీకలు. పై షేర్ లో మూడు ప్రతీకలు చాలా అందంగా ప్రయోగించబడ్డాయి. ‘నా కుటీరం’ అనడంలో ఈ మాటలు చెబుతున్నది ఒక సాధువు అని తెలుస్తోంది. అంటే కేవలం అడవుల్లోనో కొండల్లోనో ఉండే మునిపుంగవులని కాదు, రాగద్వేషాలను అధిగమించి సాధుస్వభావంతో అందరి మధ్య జీవించే వారు కూడా అయ్యుండొచ్చు. తర్వాత ‘నింగిని తెచ్చావా’ అనడం ఎవరో తనకి అత్యంత విలువైన వస్తువు కానుకగానో ఎరగానో ఇవ్వడానికి తెచ్చారు అని చెప్పడం. ‘నేల మీద పెట్టు’ అనడంలో తన దృష్టిలో ఆ వస్తువుకి ఏ మాత్రం విలువలేదని చెప్పడం, ‘వేరే ఎక్కడైనా పెట్టు’ అనడంలో ఆ వస్తువుని నిరాకరించడం కనబడతాయి. నాకు సూఫీ తత్త్వం పట్ల అవగాహన లేదు గానీ, ఇది materialistic world ఇవ్వాలనుకునే తాత్కాలిక సుఖాలని denounce చేస్తున్న షేర్.

దాదాపు ఇటువంటి భావననే ఇంకో షేర్ లో ఇలా చెప్పారు: