Indraganti Prasadనిన్న మరణించేక
పుట్టిన వాణ్ణి నేను
రేపటికి రెండో రోజు
జనన మరణాల
చిట్టాలో పేరులేదు
నమోదు కాబోదు
అకాల మరణం
పగలుతో రోజులు
లెక్కపెట్టే కాలంలో
రాత్రెప్పుడూ
తప్పిపోయే చీకటే
గడియ తీసి
గది తలుపు తెరిచి
అందర్నీ పిలవాలి
కనికట్టు విప్పి
ఇంద్రజాలం ముగించి
టోపీతో చిల్లర కోసం
తలవంచకు
వసారాలో కూర్చుని
ఎదురు చూస్తున్నప్పుడు
నడిచివచ్చేదెవరో
తెలిసేదెలా?
భుజంమీద మూటలో
మాటల గాజుల మలారంలో
కావలసిన హక్కులున్నాయా?
గొంతెత్తిన పోలికేకలో
నిషేధిత వాక్కులున్నాయా?
ఆజాదీకి తాళం చెవులున్నాయా?
మాంత్రికుడి ప్రాణం
మర్రి చెట్టు తొర్రలో
చిలకలో లేదు
నిషిద్ధమైన వాక్కులో ఉంది
వాడుకునే హక్కులో ఉంది
ఎదురుచూస్తున్న రేపటిలో ఉంది.
*
పెద్దన్న
రేఖా జ్యోతి
ఎడిటర్
వరవర రావు
సి.యస్.రాంబాబు
శ్రీధర్ నరుకుర్తి
కృష్ణుడు
ఎదురు చూస్తున్న రేపటి లో వుంది
మాంత్రికుడి ప్రాణం నిషిద్దమైన వాక్కులో ఉంది.
వాడుకునే హక్కులూ ఉంది.
ఎదురుచూస్తున్న రేపటిలో ఉంది.
నిజం sir. గొప్పగా రాసారు. 🙏