నిజంగానే నాకు మేలు జరుగుతుందా?

ముందుగా, ఆ ముస్లిం వ్యక్తి “అల్లాహ్‌ మీకు మేలు చేస్తాడు” – అని తెలుగులోనే చెప్పాడా?
జనరల్గా సహాయం చేసిన వారికి కృతఙతగా, హైదరాబాదీ ముస్లింలు ‘జజాకల్లాహ్ ‘ అని గానీ, “అల్లాహ్ అఛ్ఛాకరే” అని గానీ అంటారు.
దానర్థం – “మీరు నాకు సహాయం చేసినందుకు ప్రతిగా, అల్లా మీకు మేలు చేయాలని ఆశిస్తున్నాను” అని.
దానికి ఎదుటి వ్యక్తి ‘ఆమీన్’ అనొచ్చు. లేదా, “ఆ తొక్కలే” అనే బ్రమ్హానందం టైపు ఎక్స్ప్రెషన్ ఒకటి ఇచ్చి ఇగ్నోర్ చేయొచ్చు.
మొత్తానికి, అల్లా మేలు చేయాలని ఆశించడం వరకే ఏ ముస్లిం ఐనా చేయగలిగింది. అల్లా అసలు మేలు చేస్తాడా,లేదా, చేస్తే ఎప్పుడు ఎలా చేస్తాడు- ఇవన్నీ అల్లాహ్ ఆధీనంలో ఉన్న విషయాలు. మానవ మాత్రులెవరూ కన్‌ఫం గా చెప్పలేరు.
నా పర్సనల్ ఒపీనియన్ ఐతే –
ఖురాన్ లోని – “మనిషి చేసే అణువంత మంచి కూడా పరిగణించబడుతుంది. మనిషి చేసే అణువంత చెడుకూడా పరిగణించబడుతుంది.”(ఖురాన్ 99:8 ) అనే వాక్యం ప్రకారం
, రచయిత చేసిన మంచికి తప్పకుండా తగిన ప్రతిఫలం ఏదో ఒక రూపంలో పొందే అవకాశం ఉంది.
ఇక వ్యాసంలో రాసిన మిగతా అంశాల గురించి చూస్తే – ఆ రాసిందాన్లోనే చాలా వరకూ సమాధానం ఉంది.
వ్యాసంలో ఇలా ఉంది
####” ‘అల్లాహ్‌ దాస్యమే చేయాలనీ, ఆయనకే విధేయులై ఉండాలనీ మరియు కేవలం ఆయననే ఆరాధించాలనీ’ మానవజాతి అల్లాహ్‌కు ఇచ్చిన ప్రమాణం అంటుంది దివ్య ఖుర్‌ఆన్‌. “####
కరెక్ట్. ప్రతి మానవ ఆత్మ, సృష్టికర్త ఇచ్చిన తెలివితేటల్ని, ఇంగిత ఞానాన్ని(ఫ్రీ విల్) సరిగ్గా వినియోగించి, కేవలం సృష్టికర్తకే దాస్యం చేస్తామనీ, సృష్టికర్తకే విధేయులై ఉంటామనీ, సృష్టికర్తనే ఆరాధిస్తామనీ ప్రమాణం చేసే భూమిపైకి వచ్చిందనేది ఖురాన్ చెప్పే విషయం.
కానీ, తీరా భూమిమీదకొచ్చాక, “సృష్టికర్త లేడు, గిష్టికర్త లేడు, మనిషి కేవలం గాలివాటుగా, శూన్యం నుండీ నథింగ్ వచ్చి, ఆ నథింగ్ నుండీ సమ్‌థింగ్ వచ్చి, ఆ సమ్‌థింగ్ నుండీ ఎవెరీథింగ్ వచ్చాయనీ” తీర్మానించేవారు కొందరు-
మనిషి జీవితానికి అర్థమేలేదు, అసలు అర్థమెందుకుండాల, చనిపోయాక పూడుస్తే ఎముకలు,కాలుస్తే బూడిద తప్ప, ఇంకేం మిగల్దనీ, తిరిగిలేపి భూమిమీద చేసినపనులకు లెక్కచెప్పమని అడిగే అవకాశమే లేదని బల్లగుద్ది వాదించేవారు మరికొందరు,
‘మనుషుల్ని/మనిషి క్రియేట్ చేసిన ఆబ్జెక్ట్స్’ నే క్రియేటర్ అని పిలుచుకునేవారు మరికొందరు,
డబ్బును,పరపతిని, పవర్ నూ ఆరాధించేవారు కొందరు, వీటిని పొందడానికి ఇతర వ్యక్తులకు దాసులుగా మారినవారు కొందరు..
-ఇలాంటి వారందరూ సృష్టికర్తతో చేసుకున్న ప్రమాణాన్ని ఉల్లంఘిస్తున్నట్లే లెక్క.
మరి ప్రమాణమంటూ చేశాక, ఆ ప్రమాణాన్ని ఉల్లంఘిస్తే దాని పరిణామాల్ని ఫేస్ చేయాల్సిందే కదా. ఆ పరిణామాల గురించే ఖురాన్ వివిధ రకాలుగా హెచ్చరిస్తుంది.
‘మేమలాంటి ప్రమాణమే చేయలేదు ‘-అని ఎవరైనా అంటే, మరీ మంచిది కదా. అప్పుడు వారికి ఇవేవీ వర్తించవని అర్థం. వారు చక్కగా దీనిని ఇగ్నోర్ చేయొచ్చు.
ఇక్కడ ఆత్యంత కీలక విషయం- ముస్లిం కుటూంబాల్లో పుట్టినవారందరూ ప్రమాణానికి కట్టుబడినట్లు, ముస్లిమేతరులందరూ ప్రమాణాన్ని ఉల్లంఘించినట్లూ కాదు. ముస్లిం పేరు పెట్టుకున్నోల్లు కూడా చాలా మంది -డబ్బు,పరపతి,పవర్ లాంటి విషయాలని ఆరాధిస్తూ,వాటికి దాసులుగా ఉంటారు. వారందరూ ఆ ప్రమాణాన్ని ఉల్లంఘించిన వారే. ఎవరి జీవితం ఏ ఏ ఆప్షన్ల మధ్య, ఎలాంటి ఎంపికల్ని చేసుకుందనే విషయం కేవలం ఆ వ్యక్తికి, సృష్టికర్తకీ మాత్రమే తెలుసు. అంతిమ దినం తీర్పు వీటి ఆధారంగానే ఉంటుంది, అది ముస్లింలకైనా, ముస్లిమేతరులకైనా.
చావు కళ్ళముందు వచ్చి నిలబడగానే, మనిషికి తాను సృష్టికర్తతో చేసిన ప్రమాణం గురించి గుర్తుకు వస్తుందనీ, భూమి మీది ఈ తాత్కాలిక జీవితం, శాశ్వతమైన మరణాంతర జీవితానికి పరీక్షే అనే విషయం అప్పుడు గుర్తుకు వచ్చి, వేస్ట్ చేసుకున్న తన అవకాశం గురించి కుమిలి,కుమిలి ఏడుస్తాడనీ, మరో అవకాశం ఇవ్వమని ప్రాధేయపడతాడనీ ఖురాన్ లో ఉంది. (ఖురాన్ 23:99-100). ఇది మానవజాతి మొత్తానికి వర్తిస్తుంది తప్ప, కేవలం ముస్లిమేతరులకు కాదు.
అదే పోస్టులో మరో లైను ###### ఈ గ్రంథాన్ని తిరస్కరించేవారి వ్యవహారాన్ని నాకు వదిలెయ్యి#####
‘వారి వ్యవహారాన్ని నాకు వదిలేసి, నీవు వారితో న్యాయంగా వ్యవహరించమనే ఖురాన్ చెప్తుంది తప్ప’ గ్రంధాన్ని తిరస్కరించేవారితో గొడవపడమనో, వారిని బలవంతపెట్టో, ప్రలోభపెట్టో ముస్లింలుగా మార్చమనో ఖురాన్ చెప్పదు. అది ఆ వ్యక్తికీ, అతన్ని పుట్టించిన సృష్టికర్తకూ మధ్య ఈక్వేషన్. దీనితో వేరే ముస్లింలకేం సంబంధం లేదు. అందుకే, గల్ఫ్ దేశాల్లో కొన్ని కోట్ల మంది భారతీయ ముస్లిమేతరులు పని చేస్తున్నా, ఏ ఒక్కరిపై గానీ మతం మార్చుకొమ్మని దాడులు జరిగినట్లు ఎవ్వరూ వినలేదు. భారత దేశం, 600 ఏళ్ళ పాటు ముస్లిం రాజుల పాలనలో ఉన్నప్పటికీ, ఎక్కడో ఒకటీ,అరా తప్ప బలవంత మతమార్పిడులు జరగలేదన్నది చరిత్రకారులు ఎప్పుడో తేల్చేసిన విషయమే.
ఖురాన్ 44:53 ఇలా అంటుంది. –
“We will show them Our signs in the horizons and within themselves until it becomes clear to them that it is the truth. But is it not sufficient concerning your Lord that He is, over all things, a Witness?”
అలాంటి signs ఏవీ మాకు కనిపించలేవనేవారు, అదే ఆర్గ్యుమెంట్ అంతిమ దినం నాడు సృష్టికర్త ముందు చేసి, ఏవైనా మినహాయింపులు పొందే అవకాశం తప్పక ఉండే ఉంటుంది.
నా పుస్తకం- “చార్లెస్ డార్విన్-రామ్‌గోపాల్ వర్మ-ఓ ముస్లిం”లో, ఇదే కాన్స్పెట్ ని, అండమాన్ లోని సెంటనలీస్ తెగ వారి ఎగ్జాంపుల్ తో వివరించాను. ఆసక్తి ఉన్నవారు చదవవచ్చు.
ఇక, ఈ వ్యాసం లో, రచయిత చెప్పిన డిస్టర్బింగ్ విషయం –
###### “వందల ఏళ్ల క్రితపు పుస్తకంలోని వాక్యాల్ని యధాతథంగా తీసుకోవడం దాన్ని సరిగ్గా అర్థం చేసుకోవడం అవుతుందా? మరి ఎప్పుడో రాయబడిన మనుధర్మ శాస్త్రాన్ని మన మేధావులు వారంలో రెండుసార్లు తగలబెడుతుంటారే!” #######
ఈ వాక్యాన్ని బట్టి, రచయితకు మనుధర్మ శాస్త్రాన్ని తగలబెట్టడంలో అభ్యంతరం ఉందో, లేక దాంతో పాటు ఖురాన్ ని ఎందుకు తగలబెట్టడం లేదని బాధ ఉందో అర్థం కావడం లేదు.
ప్రపంచంలోని సుమారు 50 దేశాల్లో ఖురాన్ ఆధారంగా జీవించే ముస్లింలు మెజారిటిగా ఉన్నారు. అగ్రరాజ్యాల ఆయిల్, ఆధిపత్య రాజకీయాలకు బలైన 5,6 దేశాలు తప్ప మిగతా దేశాలన్నీ శాంతియుతంగా బతుకున్నవే. ఏ దేశంలో కూడా, అక్కడి మైనారిటీలపై తిండి పేరుతోగానీ, అల్లాహూక్బర్ అనమని గానీ కొట్టి చంపి సెల్ఫీ వీడియోలు తీసిన దాఖలాలు లేవు. కానీ మనుధర్మాన్ని నమ్మే ఓ పార్టి పూర్తి మెజారిటీతో అధికారంలోకి రాగానే ఈ దేశం లో ఏం జరుగుతుందో అందరికీ తెలిసిందే. వేలాది సంవత్సరాలుగా ఈ దేశంలోని దలిత బహుజనులకీ, మహిళలకీ మనుధర్మం చేసిన సత్కారం గురించి కూడా అందరికీ తెలిసిందే.
ఖురాన్ లోని కొన్ని వాక్యాల్ని చెర్రీ పిక్ చేసి, మనుధర్మం తో దానికి పోలిక పెట్టడం, అలాంటి వ్యాసాన్ని సారంగ ప్రచురించడం శోచనీయం.

-మహమ్మద్ హనీఫ్.