తండ హరీష్ గౌడ్ కవితలు రెండు

1

ఏకాంతద్వీపంలోంచి సామూహికంగా

నేను
ఏకాంతద్వీపంలోంచి
సమూహంలోకి వచ్చాను

నాలుగు భుజాలు
బాధ్యతలను మోస్తున్న
సమాజముఖచిత్రం
కంటబడింది

ఆకులురాలిన చెట్టు
చిగురించడమెలాగో
నేర్పటం చూశాను

బటన్లరిగిన కీపాడ్ లోంచి
బతుకుదృశ్యాలను
పోగు చేసుకున్నాను

కళ్ళు మసకబారే సమయంలో
ఇంట్లోకి దారిని చూపే
వీధిలైట్ లాంటి
మనుషుల అవసరాన్ని కూడా గమనించాను

ఎందుకో
కిటికీలను చుట్టుకున్న
తెరల్లోంచి
ఇన్నాళ్ళు వెలుపల కురుస్తున్న
ఆహ్లాద చినుకులను లెక్కించలేకపోయాను

పూర్తిగా ఇప్పుడు
నాలోపలికి
ప్రేమపూర్వక వర్షాన్నే కాదు
ఆరురుచుల
ఆనంద బాధామయజీవితాన్ని కూడా
స్వాగతిస్తున్నాను

మనిషిని కదా
ఎన్నాళ్ళని
నాకు నేనుగానే
కలుగులో దాక్కుంటాను
ఒంటరితనాన్ని మోసి మోసి
సగం కాలిన శవాన్నయ్యాను

ఏకాంతంలోంచి దూరంగా
అందరి మనసుల మమతల్లోకి దగ్గరగా
సామూహిక ప్రేమయుద్ధం చేయటానికి
బయలుదేరాను

2

మొగ్గతొడిగిన ప్రాణం