భారతి కోడె1
హోరుగాలికి రాలిపోతాయేమోనని
పువ్వుల్ని కోసి సజ్జలో వేసాను
తలుపులు వేసే ఉన్నాయి
పూరెక్కలు వడలి నేలరాలిపోయాయి
ఏమీ పట్టని చెట్టు
గాలికి ఊగుతూనే ఉంది
***
హృదయం విరిగి ముక్కలయ్యిందా?
అంతకంటే సంపూర్ణమయింది ఏమున్నట్లు!
***
ఒంటరిగా వచ్చిన బాటసారి
కాలిని మృదువుగా తాకాయి అలలు
కాసేపు నిలిచి తిరిగిచూడకుండా
వెళ్ళిపోయాడు అతడు
ఏ సంజాయిషీ కోరని
నది నెమ్మదిగా ప్రవహిస్తూనే ఉంది
***
ఈ జీవితం ఒక్క వందేళ్ళదా?
ఎన్నిసార్లలా హృదయాన్ని తెరిచినట్లు!
***
పట్టు తెరచాపలెత్తిన పడవలో
పట్టపగలే వెన్నెల కురిసే తీరానికి
ప్రయాణించావు సరే
తనను తానే రాసుకున్న పద్యం
నీకెదురుపడిందా?
కథకీ కంచికీ మధ్య దూరమెంతో
ఇప్పటికైనా తెలిసిందా?
పెద్దన్న
కృష్ణుడు
శ్రీనివాస్ గౌడ్
కృపాకర్ పోతుల
తిలక్ బొమ్మరాజు
కవనమాలి
స్వాతి కుమారి
తనను తాను రాసుకున్న పద్యం వినబడిందా?.
ఏ సంజాయిషీ కోరని నది నెమ్మదిగా ప్రవహిస్తూనే ఉంది!
Baavunnaayi padaalu padyalu