శాశ్వతత్వం సూర్యోదయమే

శాశ్వతత్వం ఓ గొడ్డలి,

హంతకుడు

తన తలలోకి దించుకున్నాడు

శాశ్వతత్వం ఓ చర్య,

భయాన్ని దోపిడీ చేశారు

ఇప్పుడు అక్కడంతా ఖాళీ

శాశ్వతత్వం ఎర్రని కోరిక,

కొన్నెత్తుటిలా, ఆవిరి చెలరేగుతూంటుంది

చివరికి అదీ మేఘమై తేలిపోతుంది

శాశ్వతత్వం హృదయంలాంటిది-

హంతకులు తునాతునకలు చేయడానికి

మొహమాటపడరు.

శాశ్వతత్వం హత్యలాంటిది,

అది మృత్యు ముఖంలాంటి

దిష్టిబొమ్మను దగ్ధం చేస్తుంది

శాశ్వతత్వానికి  చెవుల్లేవు,

లోపలి రహస్యంలా

పకడ్బందీ శ్రవణానందం

శాశ్వతత్వం కన్నులాంటిది-

చనిపోయినా, అలాగే

మరో కంటిలో గుప్పెడు వెలుగు.

శాశ్వతత్వం ఓ దుఃఖం

అనేక దేవదూతల వలెనే

పవిత్రులు కానివారెవరూ లేరు

శాశ్వతత్వం సూర్యోదయంలాంటిది

దాని కాపలా దేవతను మాత్రం

ఎప్పటికీ మేల్కొల్పలేదు.

*