శీలా సుభద్రాదేవియంత్రంలో తలదూర్చి
మూలుగుతూ ముక్కుతూ
అచ్చులు నేర్చుకుంటున్నట్లు
అఆలు ఉఊల పలకరింపుల మనిషికాదు
దారిలోని పూల తావుల్ని మోసుకొచ్చిన
చల్లని మలయసమీరంలా మనసును సేదతీర్చి
మాట్లాడటానికి మనిషి కావాలి
మలమల మాడిపోయే ఇసుక ఎడారి
లోలోన నింపుకుని
హాయిగా కిలకిల వాడే ఆకుపచ్చని ఆకుమడితో ముఖాన్ని
అలంకరించుకొన్న మనిషి కాదు
మనసునే పూలమడి చేసుకొంటూ
మాట్లాడటానికి మనిషి కావాలి
కళ్ళలో కల్మషపు జీరలనూ
పెదాలపై ప్లాస్టిక్ చిరునవ్వు పూతలనూ
మనసులోని నలుపు పాకే ముఖాన్ని
అందమైన స్నేహపు తొడుగుకింద దాచుకొని
ఆలింగనం చేసుకొనే మేకతోలు పులికాదు
సెలయేటి స్వచ్ఛతను నింపుకుని
అలసిన హృదయానికి అక్షరాల్ని అలంకరిస్తూ
మాట్లాడటానికి మనిషి కావాలి
నాచుట్టూ నీచుట్టూ
మన ఇంటినిండా ఈ ప్రపంచం నిండా
గిరగిరా గరగరా
తిరుగుతున్న మనిషియంత్రాలు
స్పందన ఎరుగని యంత్రమనుషులు కానేకాదు
ఒక కన్నీటి చెమ్మ కలిగిన నిజమైన మనిషి
మాట్లాడటానికి మనకో మనిషి కావాలి.
*
పెద్దన్న
కృష్ణుడు
శ్రీనివాస్ గౌడ్
కృపాకర్ పోతుల
తిలక్ బొమ్మరాజు
కవనమాలి
స్వాతి కుమారి
మాట్లాడటానికి మనకో మనిషి కావాలి
ధన్యవాదాలు