మంటో మెరుపు కథలు

హారం

——

మనుషుల గుంపు హఠాత్తుగా వీధి ఎడమవైపుకు తిరగ్గానే వారి కోపం అక్కడ ప్రతిష్టించబడిన గొప్ప హిందూ సమాజ సేవకుడైన సర్ గంగారాం పాలరాతి ప్రతిమ మీదకు వెళ్ళింది.

ఆ గుంపులో ఒకడు ఆ ప్రతిమ ముఖానికి నల్లని తారు పులిమాడు. ఇంకొకడు ఆ ప్రతిమ మెడకు ఓ చెప్పుల దండ

అలంకరించబోతూవుండగా, తుపాకీలు పేలుస్తూ అదుపు చేసేందుకు పోలీసులు రంగంలోకి దిగారు.

చెప్పుల దండ చేతిలో వున్న వ్యక్తికి తుపాకీ గుండు తగిలింది.

వెంటనే పోలీసులు ఆ వ్యక్తిని పక్కనే వున్న గంగారాం ఆసుపత్రికి తరలించారు.

కృతజ్ఞత  లేని వాళ్ళు

————————–

“ఏమి కృతజ్ఞతలేని దేశం ! ఎన్నో కష్టాలకు గురై యాభై పందులను ఈ మసీదులో నరికాను కానీ ఏం జరిగింది ?

కొనుక్కోవడానికి ఒక్క వెధవా రాలేదు. !

కానీ మీకు తెలుసా ?

ఆ వైపు మాత్రం ప్రతీ గుడి దగ్గరా ఆవు మాంసం కోసం ప్రజలు

బారులు కడుతున్నారు. హు !”

పఠానిస్తాన్

————–

“ఏయ్ నువ్వూ ?

“నువ్వెవరు !

“నేనా ! నేనా !”

“నువ్వే ! దెయ్యం పిల్లాడిలా వున్నావ్ ఇండూవా ? ముసల్మీన్వా ?”

“ముసల్మీన్”

“నీ ప్రవక్త ఎవరు!”

“మహమ్మద్ ఖాన్”

“అతడిని వెళ్లిపోనివ్వండి !”

*