టచ్ మి నాట్ 

బాల్యం సీతాకోక చిలుక

ఉరికే జలపాతం

అందమైన జ్ఞాపకం

పువ్వల్లే విచ్చుకునే వయసు

దేహాన్ని ఎవరు తాకినా, ఎక్కడ తాకినా,

ఎదురు తిరిగి ప్రతిఘటించలేని బాల్యం

నోరు తెరచి మాట్లాడలేని బాల్యం

లోకం తెలియని అమాయకత్వం

స్పర్శకి  తేడా తెలియని పసిమొగ్గల కాలమది

చిన్నారి శరీరం మీద ఏం జరిగినా

మనసు పొరల్లో నిక్షిప్తమౌతుంది

బాధా సముద్రం ఘోషపెడ్తుంది

అవును, చైల్డ్ సెక్స్ అబ్యూజ్

అనుకోకుండా జరిగే ఒక ‘యాక్సిడెంట్ ‘

ఈ చేదు జ్ఞాపకాన్ని చెరిపేసుకోవాలి

దీన్ని మరచిపోయి  త్వరగా కోలుకోవాలి

ఆ అమ్మాయి గురించి ఆలోచిస్తూ

ఎంతసేపు అలా కూర్చున్నానో తెలీదు

నా చుట్టూ చీకటి కమ్ముకుంది

ఆకాశంలో కూడా

ఆ రోజు ఆ అమ్మాయిని

మేం కడుపులోదాచుకున్నాం

నేను, వాళ్ళమ్మ, వాళ్ళ టీచర్

జరిగింది మర్చిపొమ్మని చెప్పాం,

ముందుకు సాగిపొమ్మని చెప్పాం

జీవితం అత్యంత ప్రియమైంది,

దాన్ని నక్షత్రాలతో అలకరించమని చెప్పాం

ఇప్పుడు ఆ అమ్మాయి దగ్గర

గాయపడ్డ జ్ఞాపకాలేమీ లేవు

బ్రతుకు బాటను అలంకరరించుకుంది తను

పాటలతో, రంగులతో, పక్షుల రాగాలతో!                                             ( In support of the victims of Child sex abuse ).

*

చిత్రం: సృజన్