ఏ దీపాన్ని వెలిగించినా…

1

చందమామ

నైటంతా

నిద్ర ఉండదీ

వాచ్ మాన్ కి

2

గూట్లొకి చేరుకున్న

పక్షి పాటలా

అస్తమయం !

రాత్రి కురిసి వెలిసిన

వాన మనసులా

ఉదయం !

3

జైల్లో ఖైదీ కొత్త పాట

ఏ దీపాన్ని వెలిగించినా

చీకటినే చిమ్ముతోంది

4

వాన మొదలైంది

స్కూలు నుంచి ఇంటికి తిరిగొచ్చిన

పసి పాపలా

విత్తు కేరింతలు

5

చెట్టు కింద పూలకుండీ

విరహంలో ఆకాశం

6

సూర్యుడి కంట్లో నలక

ఆ కొద్ది సేపైనా

ఆకాశంలో మేఘం అల్లరి

7

ఇసుక పడింది

కంటి నిండా కెరటాల్లేని సముద్రం

8

ఎండ పాట కచ్చేరీ కి

నిశ్శబ్దంగా ఊ  కొడుతోంది

నీడ

9

కాగితంతో

కలం ప్రణయం!

అణువణువూ

పులకింతల అక్షరాలే !