ఊపిరి పువ్వు!

ఒక పాదం-

మహా తపస్వి జ్ఞాన దీపాన్ని చిదిమేస్తుంది

అస్తిత్వ సూర్యుణ్ణి పాతాళంలోకి తొక్కేస్తుంది

నల్ల మందార పువ్వు ఊపిరిని నలిపేస్తుంది !

ఇంకొక పాదం-

ఆడబిడ్డ జాడ కోసం సముద్రాలను లంఘిస్తుంది

హిమవన్నగ సౌందర్యంలోకి వాయు వేగంతో తేలిపోతుంది

వేలాది ఏళ్ళ చంద్రుడి కవ్వింపుకి సమాధానం చెప్తుంది

ఊపిరి జెండాను ఎగరేయడానికి ఊరికి నడిపిస్తుంది  !

మొదటి పాదం-

దుర్వాసుడు, బలి, George Floyd లను

యుగాల నుండి వెంటాడి వేటాడి

పునః పునః చంపేస్తుంది..

I can’t Breathe…. !

రెండో పాదం-

హనుమంతుడు, ప్రవరుడు,

Neil Armstrong, వలస కూలీ నారాయణలను

స్థల కాలాలకు అతీతంగా వెతికి వెతికి

మళ్ళీ మళ్ళీ బతికిస్తుంది…

It’s a Giant leap for mankind….!!

ఇప్పుడు నా పాదానికి

మహిమలు- మాయలు- మర్మాలు తెలియని

రంగు రుచి వాసన అసలే లేని లోకం కావాలి

ఊపిరి పువ్వుకు – ఊరి నవ్వుకు దారి చూపే కాలం రావాలి

as the sound of the marching feet of a determined people…!!!

*

English references: